Saga Símans í 100 ár

Árið 1906 komst Ísland í símasamband við umheiminn. Aldalöng einangrun landsins var rofin og heimsmyndin breyttist. Símasamband við útlönd – jafnvel þótt aðeins væri um ritsímasamband að ræða fyrstu 29 árin – hafði gífurleg áhrif á verslunarhætti, fjölmiðlun, mannleg samskipti og menningu. Ekki síður var mikilsvert fyrir litla þjóð í stóru landi að ná talsímasambandi milli byggðarlaga. Lagning símalínu frá Seyðisfirði norður um land til Reykjavíkur sumarið 1906 var þrekvirki sem telst til helstu verkfræðiafreka Íslandssögunnar.

Nú á tímum er sími miklu meira en tæki með tóli og snúru. Þróun símamála frá því Landsími Íslands tók til starfa hefur verið  mikil og stundum hröð. Sú þróun er rakin í þessari bók. Frásagnir símafólks leiða okkur í gegnum öldina; frá tímum fátækrar þjóðar og fárra símtækja fram til þess tíma þegar sími varð lófastór farandskrifstofa í almannaeigu. Við ferðumst frá tímum ríkisstofnunar til einkafyrirtækis, frá símaþjónustu til fjarskipta á öllum sviðum, frá Landssíma Íslands til Símans hf. (Heimild: Baksíða bókarinnar)

Bókin Saga Símans í 100 ár eru 17 kaflar, þeir eru:

• Sími í sjónmáli
• Síminn kemur
• Loftskeytin taka flugið
• Síminn og útvarpið
• Sjálfvirkt samband
• Talað milli landa
• Úr loftlínu í jarðsíma
• Rásum fjölgar
• Fjarskipti í förum
• Bylting með sæstrengjum
• Mynd um síma
• Jarðstöðin Skyggnir
• Með símann alls staðar
• Stafrænar stöðvar
• Boð með ljósi
• Nýjar leiðir um nýja heima
• Breyttir tímar
• Eftirmáli
• Viðauki
  • Skrár
    • Stjórendur Landssíma Íslands 1906-2006
    • Stjórnir 1997-2006
    • Tilvitnanir
    • Heimildaskrá
    • Myndaskrá
    • Nafnaskrá

Ástand: gott, innsíður góðar smá rifa á kápunni