Þjóðsögur Jóns Múla Árnasonar

Um áratugi barst rödd hans, mjúk og karlmannleg, yfir landsbyggðina og sveif þar ofar kaffi og kleinum, soðningu og sætsúpu. Eftir sólsetur leiddi hann hlustendur um undraheima bandaríska djassins eða magnaði upp eftirvæntingu fyrir sínfóníutónleika með svo vel völdum orðum að jafnvel hinir tortryggnustu létu heillast. Slíkir eru töfrar Jóns Múla

En þetta er bókin um það sem bar fyrri aug og eyru þjóðsagnaþularins þegar hljóðneminn heyrði ekki til. Hér má lesa bæði kímilegar og dularfullar útvarpssögur frá löngu liðnum tíma, ævintýri af dísum og álfum, söngvurum og lúðurþeyturum í Iðnó og Hljómskálanum, sjóarasögur af sönnum alþýðuhetjum á síld – og öðrum þeim mönnum sem sjaldnar er minnst fyrir hetjusak. Þá eru í bókinni pólitísar meiningar og nokkrar púka- og tröllasögur af Austurvelli þjóðarinnar að ógleymdum dásamlegum minningum sögumans um „familien på fuld fart“, þau Árna frá Múla og Rönku í Brennu, ætingja þeirra og samferðafólk.

Það er sama hvað Jón Múli gerir að söguefni sínu. Hann kann þá dýrmætu list að gæða frásögnina leiftrandi húmor og hjartahlýju. Í þjóðsögum hans fer saman mannþekking og ósvikin lífsnautn sem ekkert fær hamið.  (Heimild: bakhlið bókarinnar)

Ástand: gott, innsíður góðar