Matreiðslubók Nönnu

Flestar þjóðir eiga sér sína einu sönnu uppskriftabiblíu sem til er á hverju heimili, stóru matreiðslubókina sem allir þekkja og alltaf er hægt að treysta á, alltaf hægt að leita í til að finna uppskriftirnar, leiðbeiningarnar og hugmyndirnar sem vantar. Nútímalega bók af þessu tagi hefur lengi skort hérlendis en nú er hún loksins komin. Í Matreiðslubók Nönnu ættu allir, byrjendur jafnt sem lengra komnir, að geta fundið sér gnægð uppskrifta við sitt hæfi, því að í bókinni eru hátt á fjórða þúsund uppskriftir af öllu tagi og úr öllum heimshornum. Hér eru allar þær uppskriftir sem hugurinn girnist, alþekktar jafnt sem óvenjulegar – uppskriftir fyrir venjulegt fólk sem vill finna á einum stað gamla kunningja og óþrjótandi uppsprettu nýrra hugmynda. Bókin er öll litprentuð og hana prýða myndir af hundruðum girnilegra rétta. (Heimild: Bókatíðindi)

Bókin Matreiðslubók Nönnu er skipt niður í 15 kafla með undirköflum, þeir eru:

• Súpur
• Forréttir og smáréttir
• Grænmeti
• Salöt, pasta og korn
• Fiskur og skelfiskur
• Kjöt
• Fuglakjöt
• Sósur
• Eftirréttir
• Kökur
• Brauð
• Súrt og sætt
• Drykkir
• Grunnuppskriftir
• Skrár

Ástand: gott, innsíður góðar en kjölur smá upplitaður