Ísland í aldanna rás 1976-2000

Saga lands og þjóðar ár frá ári

Sagan er rakin ár frá ári. Fluttar eru fréttir af stjórnmálum, slysförum og helstu stórviðburðum, en einnig frá atburðum úr lífi fólksins í landinu ­ skemmtanalífi, sakamálum, draugagangi og öðrum undrum. Aðalhöfundur er Illugi Jökulsson. Víðfeðm þekking og næmt auga hans fyrir markverðum tíðindum, ásamt fundvísi á fróðlega mola gefur bókinni skemmtilegt yfirbragð. Allt er stutt nákvæmri heimildarýni og nýtur Illugi aðstoðar færustu manna. Þar fara fremstir sagnfræðingarnir Kolbeinn Proppé og Lýður Björnsson. Ýmsir virtir sérfræðingar skrifa yfirlitskafla um efnahagsmál, atvinnumál, menningu o.fl. og gera þar stærri straumum þjóðlífsins skil. Bókin er í stóru broti, prýdd á annað þúsund mynda sem margar koma hér í fyrsta sinn fyrir augu almennings. Jafnframt er textinn studdur ýmsum skýringarmyndum og kortum. Öll er bókin vegleg umgjörð um stórbrotna tíma í   sögu lands og þjóðar. Hún segir frá staðreyndum og túlkar tíðaranda. Ísland í aldanna rás er ómissandi ungum sem öldnum, námsfólki sem fróðleiksþyrstum fagurkerum. Sannkallað stórvirki. (Heimild: Bókatíðindi)

Verk þetta er skipt niður eftir árum frá og með árinu 1976 til og með árið 2000.

Ástand: gott bæði kápa og innsíður.