Stjórnskipunarréttur: Mannréttindi

Í bók þessari er lýst stöðu og hlutverki mannréttindaákvæða stjórnarskrá lýðveldisins Íslands sem einnar grunnstoðar íslenska stjórnskipulagsins og réttarríkisins. Í fyrri hlutanum er lýst sögulegum uppruna og eðli mannréttindareglna, aðferðum við skýringu stjórnarskráákvæða um efnið og úrskurðarvald um hvort þau eru brotin. Einnig eru útskýrð áhrif Mannréttindasáttmála Evrópu og annarra alþjóðasamninga, staða þeirra í íslensku réttarkefi og tengsl við stjórnarskráákvæði um mannréttindi. Eftir breytingar í stjórnarskránni árið 1995 hafa mannréttindareglur í stjórnarskrá og alþjóðasamningum haft umtalsvert meiri áhrif en áður á lagasetningu, stjórnsýslu og störf dómstóla.

Stærsti hluti bókarinnar fjallar um einstaka mannréttindaákvæði stjórnarskrárinnar og þróun þeirra í réttarframkvæmd. margir stefnumarkandi dómar hafa gengið á síðustu árum þar sem reynt hefur á túlkun þeirra. Þar má sérstaklega nefnia álitamál um jafnræðisregluna, réttláta málsmeðferð fyrir dómstólum, friðhelgi einkalífs, tjáningarfrelsið, félagafrelsið, atvinnufrelsið og ýmis félagsleg mannréttindi á borð við réttinn til félagslegrar aðstoðar. Eru fjölmargir dómar raktir og krufðir í bókinni og ályktanir dregnar um inntak mannréttindaákæðanna.

Bókin er fyrsta heildstæða fræðiritið um mannréttindaákvæði íslensku stjórnarskrárinnar. Hún er ætluð bæði laganemum og starfandi lögfræðingum en einnig hverjum þeim sem vill fræðast um mannréttindi á Íslandi og gildandi réttarreglur á þessu sviði stjórnaskipunarréttarins. (Heimildir: Bakhlið bókarinnar)

Verkið Stjórnskipunarréttur – Mannréttindi er skipt niður í  tvö hluta en samtals 21 kafla.

Ástand: gott, bæði innsíður og kápa góð og ekkert krot né nafnamerking.