Kransæðabókin

Í Kransæðabókinni er að finna gagnlegar og auðlesnar upplýsingar um kransæðasjúkdóm sem hrjáir þúsundir Íslendinga og er ein algengasta dánarorsökin hér á landi. Bókin er samin af 30 íslenskum sérfræðingum; læknum, hjúkrunarfræðingum, sjúkraþjálfurum og næringarfræðingum sem flestir starfa á Landspítala og er ætluð almenningi ekki síður en heilbrigðisstarfsfólki.

Rekja má um þriðjung allra dauðsfalla á Íslandi til hjarta- og æðasjúkdóma, og eru ¾ þeirra vegna kransæðasjúkdóms. Margir áhættuþættir kransæðasjúkdóms eru vel þekktir eins og reykingar, háþrýstingur, hækkaður blóðþrýstingur og blóðfitur, sykursýki, offita og hreyfingarleysi. Kransæðasjúkdómur er líka algengari í vissum fjölskyldum og hefur ættlægni sjúkdómsins lengi verið þekkt. Ert þú í áhættuhópi að fá kransæðasjúkdóm og hvað getur þú gert til að draga úr þeirri áhættu? Í Kransæðabókinni er að finna ítarlegar upplýsingar um þennan algenga sjúkdóm sem er eitt stærsta viðfangsefni íslensks heilbrigðiskerfis,m.a. um orsakir, einkenni, greiningu, meðferð og forvarnir. Í bókinni eru einnig ítarlegir kaflar um mataræði og þunglyndi en sýnt hefur verið fram á að þunglyndi getur aukið áhættu á kransæðasjúkdómi.

Bókin Kransæðabókin er skipt niður í 19 kafla, þeir eru:

• Kransæðar og kransæðablóðrás
• Faraldsfræði kransæðasjúkdóms
• Orsakir, meinþróun og meingerð
• Erfðir kransæðasjúkdóms
• Áhættuþættir og forvarnir
• Mataræði og hjartasjúkdómar
• Einkenni kransæðasjúkdóms
• Greining kransæðasjúkdóms
• Brátt kransæðarheilkenni
• Meðferð Kransæðasjúkdóms
  • Lyfjameðferð
  • Kransæðavíkkun
  • Kransæðahjáveituaðgerð
• Undirbúningur og eftirmeðferð eftir kransæðavíkkun og kransæðahjáveituaðgerð
• Endurhæfing eftir kransæðastíflu og/eða kransæðaaðgerð
• Kransæðasjúkdómar í konum
• Kransæðasjúkdómar hjá öldruðum
• Meðferð kransæðasjúklinga fyrir svæfingu og skurðaðgerð
• Þunglyndi og kransæðasjúkdómur
• Fylgikvillar kransæðastíflu
  • Hjartabilun
  • Hjartasláttartruflanir við bráða kransæðastíflu
  • Snemmkomin gollurshúsbólga og heilkenni Dresslers
• Hjálparhjarta
• Hjartaígræðsla

Ástand: gott, ekkert krot né nafnamerking sem ný