Í föðurgarði

Í föðurgarði er byggð á æskuminningum höfundar frá Póllandi á öðrum tug aldarinnar og efniviður sinn sækir hann eins og oft endranær í líf og örlög gyðinga með menningu þeirra, lífsviðhorf og lögmál í baksýn. Varsjá er í brennidepli – einkum ein gata þar – Línsterkjugata – og íbúar hennar. Hvarvetna sér Singer og heyrir söguefni og lýsingar fólks og atvik eru dregnar skýrum dráttum og verða ljóslifand. Hver gelymir annarri eins hetju hversdagslífsins og þvottakonunni, Mosje Blecher sem þráði ekkert heitar en að komast til Landsins helga, sölumanninum sem vildi selja öðrum eilíft líf eða bóksalanaum sem búinn var að fá erfðaskrá sína á heilann? Í föðurgarði er safn ólíkra mynda sem verða að sögum og raðast saman í fjölbreytta heild þegar Singer lítur um öxl og skoðar þær í ljósi minninganna. Skáldskapur og veruleiki fléttast saman, skin og skúrir skiptast á og oft segir lítið atvik mikla sögur. Stílinn er skýr og agaður, en þó ljóðrænn á köflum og yljaður hlýju, kímni og mannskilningi höfundarins. (Heimild: Bakhlið bókarinnar)