Kaldir réttir I – matargerð er list

Ljúffengari og glæsilegri en nokkru sinn!

Bókin Kaldir réttir I hefur þegar verið gefin út í Þýskalandi í fjölda upplaga og milljónum eintaka. Lesendahópurinn er afar fjölmennur því bókin hefur verið gefin út á mörgum tungumálum en kemur nú út í íslenskri þýðingu í fyrsta sinn. Ekkert hefur verið sparað til að gera bókina sem best úr garði.

Að framreiða hlaðborð eða kalt borð er auðvelt og skemmtilegt verk sem þó krefst tíma og nokkurrar nákvæmi. Flestir þekkja hið sígilda, stóra kalda borð með fjölda rétta, en einnig má setja upp hlaðborð fyrir unglingaveislu eða framreiða ítalska rétti að ógleymdum fornum sveitamat, þar sem aðal uppistaðan er fjölbreyttar, grófar pylsur, ostur og skinka svo eitthvað sé nefnt.

Hver og einn ætti að finna í bókinni rétti við sitt hæfi, litmyndir tala sínu máli hvað varðar framreiðslu og skreytingar. Á svart-hvítu síðunum í upphafi bókarinnar er að finna mjög ítarlegar upplýsingar um meðferð á algengasta hráfefni til matargerðar, margar teikningar eru að sjálfsögðu þarna með svo auðveldara sé að átta sig á handbrögðum bæði við matargerð og skreytingar.

Bókin Kaldir réttir I er skipt niður í átta kafla, þeir eru:

• Helstu hráefni og grunnuppskriftir
• Smurt brauð og snittur
• Pinnabrauð og fleira góðgæti
• Léttir og ljúffengir forréttir
• Innbakaðar kæfur og kjötbökur
• Léttir og litrík salöt
• Veisluréttir í hlaupi
• Atriðaskrá

Ástand: gott