Saga Jónasar Jónssonar frá Hriflu I. bindi

Með sverðið í annarri hendi og plóginn í hinni

Umhverfis Jónas frá Hriflu ríkti aldrei logn, aldrei friður. Hann var dáður og hataður, dýrkaður og dæmdur, brautryðjandi og afturhaldsmaður, ráðgáta og opin bók, stór í sniðum og ógleymanlegur öllum sem honum kynntust; maður sem markaði dýpri spor í sögu þjóðar sinnar en flestir samtíðarmenn.

Í þessu mikla verki rekur Guðjón Friðriksson sagnfræðingur mótunarsögu Jónasar á lifandi og gagnrýninn hátt og svarar mörgum spurningum um hann og samtíð hans. Hann styðst við fjölda áður óbirtra heimilda þar sem Jónas kemur við sögur, m.a. sendibréf hans og annarra. Þar kemur margt fram sem ekki var áður vitað um þroskaár Jónasar, áhrifavalda í lífi hans og afskipti hans af íslenskum stjórnmálum og þjóðmálum á umbrotatíma sjálfstæðisbaráttunnar, og þar sést hvernig Jónas þjálfaðist í þeirri liust að stýra samherjum og andstæðingum á taflborði mannlífsins.

Fyrst og fremst varpar bókin þó leiftrandi ljósi á líf Jónasar frá Hriflu,, hæfileika hans og bresti. Hér er dregin upp áþreifanleg og sönn mynd af umdeildum brautryðjanda og athafamanni, sem ætíð barðist af eldmóði fyrir því sem honum þótti horfa til framfara, en sást ekki alltaf fyrir. (Heimild: bakhlið bókarinnar)

Ástand: gott.